Сёння Сусветны дзень барацьбы са СНІДам
Для перамогі над СНІДам неабходна адзінства, адзначыў папа Францішак у пасланні скіраваным да ўдзельнікаў VIII Міжнароднай канферэнцыі па праблеме СНІДу, якая прайшла 19-22 ліпеня 2015 г. у канадскім Ванкуверы. Зварот Пантыфіка быў скіраваны за подпісам кардынала Дзяржсакратара Пьетра Параліна.
Святы Айцец выказаў падтрымку і павагу ўсім, хто прысвяціў сябе ратаванню хворых на СНІД, асабліва праз высокаактыўную антырэтравірусную тэрапію і прафілактычныя дзеянні.
Супрацоўнікі "Карытас" Мінска-Магілёўскай архідыяцэзіі наведалі інтэрнаты
26 лістапада супрацоўнікі дабрачыннага каталіцкага таварыства «Карытас» на чале з дырэктарам братам Андрэем Жылевічам OFM Cap наведалі «Дом-інтэрнат для пенсіянераў і інвалідаў» і інтэрнат дзённага знаходжання «Востраў надзеі».
Мэтай наведвання гэтых інтэрнатаў было знаёмства з працай устаноў падобнага тыпу, а таксама аказанне гуманітарнай дапамогі.
«Дом-інтэрнат для пенсіянераў і інвалідаў», які знаходзіцца ў Мінску, з'яўляецца медыка-сацыяльнай установай, прызначанай для пастаяннага і часовага пражывання састарэлых і інвалідаў, якія маюць патрэбу ў дапамозе, бытавым і медыцынскім абслугоўванні. Усяго ў доме-інтэрнаце можа знаходзіцца 405 чалавек.
Семінар для валанцёраў прайшоў у цэнтры «Карытас» Мінска–Магілёўскай архідыяцэзіі
Семінар праходзіў для дзвюх груп валанцёраў, якія былі запрошаны з розных парафіяльных філіялаў «Карытас» з усёй Беларусі.
Дакладчыкамі на семінары былі прадстаўнікі «Мальтыйскай службы дапамогі».
Мэтай семінара было навучанне асновам валанцёрства на вопыце працы Мальтыйскай службы дапамогі з Германіі. У ходзе семінара былі закрануты такія тэмы, як:
1.Паняцце «валанцёр». Сацыяльныя асновы валанцёрскай дзейнасці. Цяжар або асалода. Пошук валанцёраў, супрацоўніцтва са штатнымі работнікамі, праблемы і іх вырашэнне.
2.Праца з пажылымі, адзінокімі і ляжачымі людзьмі дома пры дапамозе сваякоў і суседзяў.
3.Аказанне першай дапамогі ў паўсядзённым жыцці і ў экстраных сітуацыях.
4.Задачы і магчымасці для валанцёраў у працы з дзецьмі і падлеткамі.
Сустрэча падзякі Алаізу Шмігельту
24 лістапада з усіх куткоў Беларусі прыехалі дырэктары і супрацоўнікі дыяцэзіяльных “Карытас”, каб падзякаваць спадару Алаізу Шмігельту за плённую сумесную працу на працягу 15 год.
Сустрэча была прымеркавана да заканчэння працы спадара Шмігельта на пасадзе каардынатара “Мальтыйскай службы дапамогі” у Беларусі.
За 15 гадоў разам з Алаізам Шмігельтам “Карытас” у Беларусі ажыццяўляў шэраг праектаў, асноўныя з іх - “Мабільная дапамога”, “Лінія жыцця” і “Творчая майстэрня для інвалідаў”.
Апошняе на блогу
У Карытас Беларусь адкрыты дабрачынны рахунак для дапамогі мігрантам
Каталіцкі Касцёл заўсёды побач з тымі, хто знаходзіцца ў патрэбе і ў складаных жыццёвых абставінах.
«Кожны чалавек, незалежна ад таго, адкуль ён родам, для нас ён як сястра ці брат. Да ўсіх людзей, незалежна ад іх паходжання або прычын падарожжа, трэба адносіцца з павагай", - мяркуе дырэктар Карытас Беларусь ксёндз канонік Андрэй Аніскевіч.
