15 снежня супрацоўнікі Мінска-Магілёўскага “Карытас” наведалі адну з самых далёкіх ад Мінска парафій – Чавусы
Пры падтрымцы “Карытас” у Чавусах ужо рэалізавана некалькі сацыяльных праектаў. Самы значны з іх – гэта “Лінія жыцця”. У рамках гэтага праекта быў зроблены грунтоўны рамонт дамоў, у каторых жывуць сем’і з прыёмнымі дзецьмі.
Мэтай жа падарожжа стала дапамога сямі сем’ям перасяленцаў з Луганскай і Данецкай абласцей Украіны. У кожнай сям’і свая гісторыя. Але іх яднае адно – ў пэўны момант яны апынуліся ў чужой краіне і амаль ні з чым. На радзіме яны пакінулі працу, гаспадарку, утульнае жыллё. Тут жа ім усё прыходзіцца пачынаць з пачатку. Большасць з перасяленцаў уладкаваліся працаваць у калгасы. Праца хоць і не высокааплочваемая, аднак дапамаглі з жыллём. Праўда, з жыллём не ўсё так проста. Яно ў большасці патрабуе грунтоўнага рамонту – сцены голыя, палы праваліліся, камунікацыі не падведзены. Ну і, вядома, ніякай мэблі. Аднак, гэта усё адно лепш, чым стрэлы і бомбы. Таму, паціху, сем’і робяць рамонт. За лета ужо многае ўдалося зрабіць – змяніць палы, паклеіць некаторыя пакоі, падвесці электрычнасць. Удалося нават завесці гаспадарку – і свінак, і курэй, і нават трусоў.
20 снежня на тэрыторыі Касцёла свв. Сымона і Алены пройдзе дабрачынная калядная акцыя, арганізаваная "Карытас"
"Калядная акцыя" будзе праходзіць у нядзелю 20 снежня, з 9 00 да 15 00 гадзіны, на тэрыторыі Чырвонага Касцёла.
Падчас акцыі кожны дыяцэзіяльны "Карытас" прадставіць вырабы і калядныя падарункі, зробленыя рукамі валанцёраў разам з маладымі людзьмі з абмежаванымі магчымасцямі. Таксама кожны жадаючы зможа падрабязней даведацца пра дзейнасць, якая вядзецца ў "Карытас".
"Калядная акцыя" праводзіцца штогод і як паказвае практыка менавіта праз падобныя акцыі можна прыцягнуць увагу грамадскасці да праблем людзей жывучых у нястачы. Далучаючыся да гэтай акцыі- вы падтрымліваеце дабрачынныя праекты “Карытас”. Хто ведае, каму наступнаму будзе патрэбна дапамога?
10 снежня адзначаецца Міжнародны дзень правоў чалавека
З гісторыі:
Міжнародны дзень правоў чалавека па прапанове Генеральнай Асамблеі ААН штогод святкуецца 10 снежня. Таму што менавіта 10 снежня 1948 года была прынята Усеагульная дэкларацыя правоў чалавека.
Аб чым?
Усеагульная дэкларацыя правоў чалавека абвяшчае правы асобы, грамадзянскія і палітычныя правы і свабоды. Гэта значыць роўнасць перад законам, права кожнага на свабоду і асабістую недатыкальнасць, свабоду сумлення і інш.
Інтэрв'ю кс. Віталія Дабраловіча: "У жаданні дапамагаць павінна быць пачуццё любові"
7 снежня ў Мінскім міжнародным адукацыйным цэнтры імя Ё. Раў адбылася акцыя для журналістаў «Свет у дотыку», прысвечаная тэме інваліднасці. Адным з арганізатараў выступіў Нацыянальны «Карытас».
Яго дырэктар кс. Віталій Дабраловіч распавёў Catholic.by пра дадзеную акцыю, а таксама пра працу «Карытас» з людзьмі з абмежаванымі магчымасцямі.
— Ксёндз Віталій, як узнікла ідэя наладзіць акцыю «Свет у дотыку»?
— Ідэя ўзнікла даўно, яна выйшла яшчэ з праекту «Новы свет». «Свет у дотыку» — адна з частак гэтага праекту. Гэта магчымасць для звычайных людзей адкрыць вочы на тое, як адчуваюць сябе людзі з абмежаванымі магчымасцямі.
Апошняе на блогу
У Карытас Беларусь адкрыты дабрачынны рахунак для дапамогі мігрантам
Каталіцкі Касцёл заўсёды побач з тымі, хто знаходзіцца ў патрэбе і ў складаных жыццёвых абставінах.
«Кожны чалавек, незалежна ад таго, адкуль ён родам, для нас ён як сястра ці брат. Да ўсіх людзей, незалежна ад іх паходжання або прычын падарожжа, трэба адносіцца з павагай", - мяркуе дырэктар Карытас Беларусь ксёндз канонік Андрэй Аніскевіч.
