Калі ў свет прыйшоў страшэнны вірус, COVID-19, ніхто не быў да яго падрыхтаваны. Шмат думак існавала. Адны верылі, што вось-вось медыкі знойдуць выйсце, і ён не будзе распаўсюджвацца па амаль усіх краінах, другія баяліся, што з часам усё больш краін адчуюць яго на сабе. На жаль, другая версія спраўдзілася.
Сітуацыя з каранавірусам пакуль выглядае не лепшым чынам. Усе мы з верай і надзеяй чакаем, калі перастанем чуць, што людзі працягваюць хварэць на каранавірус. Так, на зямлі шмат захворванняў, усе яны заслугоўваюць нашай увагі. І мы жадаем, каб ніводны вірус ці хвароба не краналі жыццё людзей.
Але зараз найбольш значным і складаным з’яўляецца каранавірус. Мы паразмаўлялі з дырэктарам Карытас Віцебскай дыяцэзіі кс. Андрэям Аніскевічам аб тым, якім чынам Карытас Віцебск дапамагае падчас пандэміі, што можна пажадаць тым, хто захварэў (а таксама іх родным), ці прыдуць у наша жыццё пасле пандэміі значныя змены (у сацыяльным, эконамічным і іншым накірунку) і якія праекты плануюцца?
“У канцы красавіка ў Віцебску мы дастаўлялі на дом прадукты харчавання людзям з інваліднасцю, якія знаходзяцца на самаізаляцыі.
Нашыя валанцёры, нават знаходзячыся на самаізаляцыі, хочуць дапамагаць. Пашытыя імі маскі мы ўжо перадалі ў Віцебскую гарадскую бальніцу №1, Віцебскую абласную бальніцу, Віцебскі анкадыспансер.
Дзякуючы нашым партнёрам з Карытас Прага, у пачатку мая мы закупілі прадукты харчавання, медыцынскія маскі і сродкі дэзінфекцыі для шматдзетных, малазабяспечаных сем’яў і сем’яў, якія выхоўваюць дзяцей з інваліднасцю (Віцебская дыяцэзія).
А таксама дзякуючы падтрымцы партнёраў з Карытас Лінц (Аўстрыя), Цэнтр часовага (начнога) знаходжання для бяздомных асобаў у Віцебску атрымаў сродкі індывідуальнай абароны: маскі, пальчаткі, антысептыкі.
Падчас пандэміі шмат людзей змянілі лад жыцця. Многія з нас пачалі працаваць з дому. У дзяцей і падлеткаў таксама адрозніваюцца працэсы навучэння ад тых, што былі раней.
На жаль, у мэтах бяспекі мы, па магчымасці, не наведваем зараз і нашых дзядуляў і бабуляў. А стараемся часцей тэлефанаваць.
Па парадзе лекараў яны зараз больш часу праводзяць у хаце, не наведваюць месцы, дзе збіраецца шмат людзей.
Мы паразмаўлялі са спецыялістам па сыцыяльнай працы ДУ “Вілейскі ТЦСАН” аддзялення забяспячэння дзённага знаходжання для інвалідаў і грамадзян пажылога ўзросту Марынай Макаравай.
“Да пандэміі да нас прыходзіла 145 людзей залатога ўзросту. Расклад заняткаў і сустэч быў распісаны на ўвесь тыдзень: гурткі па ангельскай мове, літаратурныя гурткі, кампутарная адукаванасць, экскурсіі, адукацыйныя і забаўляльныя мерапрыемствы… Некаторыя людзі прыходзілі да нас 5-6 разоў на тыдзень.
А цяпер ў мэтах бяспекі мы вымушаны спыніць той тэмп і той расклад, якія ў нас былі. Мы даём парады, каб дзядулі і бабулі больш часу праводзілі дома, не наведвалі месцы, дзе шмат людзей, хадзілі дыхаць свежай паветрай у лес, на бераг ракі, абавязкова мылі рукі і насілі ахоўныя маскі толькі ў тым выпадку, калі гэта патрэбна.
Але мы прыдумалі такі від актыўнасці, які не будзе перашкаджаць і несці пагрозу. Зараз мы прапануем аздараўляльную зарадку ў невяліх групах да 7 чалавек. І выконваем усе ўмовы засцярогі. Выконваем бяспечную адлегласць, дэзынфіцыруем спартыўны інвентар. Заняткі праходязць 2 разы на тыдзень на жывапіснай лужайцы.
Мы вельмі чакаем, калі скончыцца гэта сітуацыя з каранавірусам, і зноў сустрэнімся з нашымі дарагімі бабулямі і дзядулямі,” – паведаміла Марына Макарава.
Карытас Беларусь таксама жадае ўсім моцнага здароўя, а таксама хутчэй перамагчы COVID-19.
Карытас Пінскай дыяцэзіі працягвае дапамагаць тым людзям, якія ў гэтым маюць патрэбу. Дапамога Карытас накіравана на падтрымку як медыцынскага персаналу, так і простых людзей падчас пандэміі.
Была аказана дапамога Кобрынскай цэнтральнай раённай бальніцы, Пружанскай цэнтральнай раённай бальніцы, Ружанскай гарадской бальніцы, Лунінецкай цэнтральнай раённай бальніцы, Целяханскай гарадской бальніцы, Лагішынскай гарадской бальніцы, бальніцы ў Давыд-Гарадку і Гарадзішчы, таксама Гомельскай абласной туберкулёзнай бальніцы, Чачэрскаму раённаму цэнтру гігіены і эпідэміялогіі, Гомельскай гарадской клінічнай бальніцы хуткай медыцынскай дапамогі ў выглядзе некалькі тысяч бахілаў, медыцынскіх шапачак і пальчатак, ахоўных камбінезонаў, рэспіратараў, аднаразовых масак, масак для шматразовага выкарыстання (якія шыюць валанцёры Карытас Пінскай дыяцэзіі), ахоўных шчыткоў, аднаразовых пальчаткаў, антысептыкаў, пульсаксіметраў і іншае.
Шматлікія парафіяльныя супольнасці Пінскай дыяцэзіі асабіста перадалі дапамогу іншым медыцынскім установам.
Ужо была аказана дапамога шматдзетным, няпоўным сем’ям, пенсіянерам, інвалідам у выглядзе прадуктовых набораў, а таксама сем’ям, дзе гадуюцца дзеці да 2-х гадовага ўзросту, у выглядзе сродкаў асабістай гігіены і моючых сродкаў. Была аказана дапамога Пінскаму каррэкцыйна-развіваючаму центру для дзяцей-інвалідаў. Праводзіўся конкурс для дзяцей «Дзяліся цеплынёй свайго сэрца». Дзецям было прапанавана выказаць свае пачуцці праз малюнак на паперы. Пераможцы атрымалі памятныя падарункі.
Карытас Мінска-Магілёўскай архідыяцэзіі бесперапынна працягвае дапамагаць тым, хто мае ў гэтым патрэбу, асабліва падчас пандэміі.
Сродкі асабістай гігіены, медыцынскія маскі, пальчаткі, сродкі дэзінфекцыі для апрацоўкі рук і паверхняў для работнікаў сацыяльных устаноў – усё гэта дзень за днём супрацоўнікі і валанцёры Карытас Мінск развозяць па медыцынскім установах, а таксама тым людзям, якім яны патрэбны, але яны не маюць магчымасць самастойна без дапамогі купіць іх.
Таксама хочыцца адзначыць той вялікі ўклад, які Дабрачыннае таварыства Карытас Мінск уносіць у дапамогу дзецям і клопат аб іх. Абарона правоў і інтарэсаў дзяцей - гэта той кірунак, якім Карытас Мінск займаецца ўжо больш за 15 гадоў. Працуе Дзіцячы дабрачынны рэабілітацыйны цэнтр, дзе жывуць дзеці з анкалагічнымі захворваннямі разам з апекунамі, праводзяцца навучальныя паездкі ў школы-інтэрнаты, працягваецца праект па прафарыентацыі «Дорым прафесію» для выхаванцаў Гарадзейскай школы, ажыццяўляецца адпачынак для дзяцей з інваліднасцю і аўтызмам у Ляскоўцы, адкрываюцца інтэграцыйныя пакоі для маленькіх сяброў з розных куткоў Беларусі.
Мы таксама паразмаўлялі з дырэктарам Карытас Мінск братам Андрэем Жылевічам аб тым, якую дапамогу аказвае Карытас Мінск падчас пандэміі, што можна пажадаць тым, хто сутыкнуўся з вірусам (а таксама родным тых людзей, якія захварэлі).
Наступілі летнія вакацыі. У гэтым годзе яны асаблівыя. У сувязі з эпідэміялагічнай сітуацыяй многія дзеці не змаглі выехаць на адпачынак і вымушаны заставацца дома. Асноўнай забаўкай і сродкам зносінаў для іх застаецца Інтэрнэт. Рост колькасці часу, які дзеці праводзяць у віртуальным свеце, можа павысіць ступень уразлівасці дзяцей перад існуючымі ў гэтай прасторы небяспекамі. Так званыя «інтэрнэт-драпежнікі», можна сказаць, “палююць” на дзяцей, імкнуцца выкарыстоўваць пандэмію COVID-19 у сваіх мэтах. Таму бацькам цяпер трэба быць асабліва ўважлівымі і дапамагчы дзецям пазбегнуць сустрэчы са зламыснікамі.
Парады на гэты конт выказала эксперт грамадскага аб’яднання “Дзеці – не для гвалту” Маргарыта Прахіна (нагадваем, што Маргарыта Прахіна ўдзельначае ў Праекце, які рэалізуе Карытас Беларусь, “Рэальная бяспека ў віртуальным свеце”):
У перыяд пандэміі мы паразмаўлялі з дырэктарам Нацыянальнага Карытас кс. Віталіем Дабраловічам пра тое, якую дапамогу і падтрымку аказвае Карытас Беларусь у барацьбе з Covid-19?
– Кс. Віталій, раскажыце, калі ласка, што зараз робіць Нацыянальны Карытас у барацьбе з пандэміяй?
– Задача офіса Нацыянальнага Карытас - дапамагчы тым, хто непасрэдна працуе з людзьмі, якія маюць у гэтым патрэбу. У нас гэта епархіяльныя, рэгіянальны і гарадскія Карытас. Сумеснымі намаганнямі вернікаў каталіцкай царквы, а таксама намаганнямі людзей з добрым сэрцам праводзіцца акцыя «Covid-19». На сабраныя сродкі набываюцца неабходныя ахоўныя матэрыялы (камбінезоны, маскі, рэспіратары) і накіроўваюцца ў медыцынскія ўстановы. Ужо сабрана і асвоена 56000 беларускіх рублёў.
1 чэрвеня – дзень абароны дзяцей!
У гэты дзень хочацца ўзгадаць, як дзейнасць Карытас звязана з гэтым святам.
Бяспека і шчасце дзяцей – адзін з напрамкаў, за якім пільна сочуць Карытас па ўсім свеце.
У Беларусі таксама палітыка бяспекі і абароны дзяцей прысутнічае сярод прынцыпаў Карытас.
Нагадваем, што Карытас Беларусь рэалізоўвае праект “Рэальная бяспека ў віртуальным свеце”. У межах праекта яго трэнер Маргарыта Прахіна (эксперт грамадскага аб’яднання “Дзеці – не для гвалту”) тлумачыць падлеткам правілы бяспекі, каб віртуальны свет не прынёс шкоду, а наадварот - быў цікавым і дапамагаў пашыраць межы атрымання ведаў”.
Таксама пасля заканчэння пандэміі плануецца рэалізацыя праекта “Сазалежныя”. Дзеці, чые бацькі маюць праблемы з алкаголем альбо наркотыкамі, будуць мець шанс на тое, каб іх бацькі кінулі благую звычку, пераглядзелі позірк на жыццё, пачалі займацца добрымі справамі і ў іх семьях назаўсёды забыліся аб клопатах, звязанымі з алкаголем і наркотыкамі, а прыйшло шчасце і пакой.
У межах рэалізацыі праекта "YES! Скарачэнне беднасці шляхам працаўладкавання сацыяльна неабароненай моладзі ў менш развітых рэгіёнах Беларусі» адбылася відэаканферэнцыя рады Карытас Беларусь (разам з бухгалтарамі і кіроўцам праекта Наталляй Глухоўчэнка) з партнёрамі з Рэнавабіс (дабрачынная каталіцкая арганізацыя, Германія) Ангелікай Шмэйлінг і Карытас Лінц (Верхняя Аўстрыя) Зігрыд Шпіндэльбек.
На відэаканферэнцыі абмяркоўваліся пытанні рэалізацыі праекта «YES!», якія з’явіліся на сённяшні момант ва ўмовах каронавірусу. Каардынатар праекта Наталля Глухоўчэнка падрабязна распавядала пра тое, што ўжо зроблена сумеснымі намаганнямі ў рамках запланаваных мерапрыемстваў і пра змены ў графіку яго рэалізацыі. Калегі задавалі пытанні і ўносілі свае прапановы.
Юныя майстры атрымалі памятныя падарункі пасля ўдзелу ў конкурсе малюнкаў у межах праекта “Сувязь пакаленняў”.
Віншуем і жадаем поспехаў у жыцці!)
Нагадваем, што праект “Сувязь пакаленняў” Нацыянальны “Карытас” рэалізуе з красавіка 2019 года. Яго галоўнай мэтай з’яўляецца зніжэнне сацыяльнай ізаляванасці былых ахвяр нацызму і іншых катэгорый пажылых людзей ваеннага пакалення, якія пражываюць у сельскай мясцовасці і невялікіх гарадах Мінска-Магілёўскай архідыяцэзіі, праз наведванне валанцёрамі іх дамоў і арганізацыю сумеснага вольнага часу разам з прадстаўнікамі малодшых пакаленняў.
Удзельнікі праекта — былыя ахвяры нацызму (людзі, якія знаходзіліся ў перыяд Другой Сусветнай вайны ў нацысцкіх канцлагерах, гета, вязніцах, працоўных, каранцінных і перасыльных лагерах, дзiцячых лагерах па забору крыві і правядзенні медэксперыментаў, лагерах знішчэння, лагерах для ваеннапалонных, рабочых калонах); грамадзяне, якія нарадзіліся да 9 мая 1945 г., а таксама члены сем'яў пажылых людзей-удзельнікаў праекта.
Рэлігійная місія «Дабрачыннае каталіцкае таварыства Карытас» Канферэнцыі Каталіцкіх Біскупаў у Беларусі
Пасведчанне аб джяржаўнай рэгістрацыі №088 выдана Камітэтам па справах рэлігій і нацыянальнасцей пры Савеце Міністраў Рэспублікі Беларусь 02.09.1999 г.
УНП 101124634
220004, г. Мінск, пл. Свабоды, 9
Адрас для карэспандэнцыі: 220131 г. Мінск, вул. Абрыкосавая, 8
Час працы: 9.00 - 17.00
Тэл. +375 (44) 791-78-87
e-mail: caritasby@gmail.com