У перыяд пандэміі мы паразмаўлялі з дырэктарам Нацыянальнага Карытас кс. Віталіем Дабраловічам пра тое, якую дапамогу і падтрымку аказвае Карытас Беларусь у барацьбе з Covid-19?
– Кс. Віталій, раскажыце, калі ласка, што зараз робіць Нацыянальны Карытас у барацьбе з пандэміяй?
– Задача офіса Нацыянальнага Карытас - дапамагчы тым, хто непасрэдна працуе з людзьмі, якія маюць у гэтым патрэбу. У нас гэта епархіяльныя, рэгіянальны і гарадскія Карытас. Сумеснымі намаганнямі вернікаў каталіцкай царквы, а таксама намаганнямі людзей з добрым сэрцам праводзіцца акцыя «Covid-19». На сабраныя сродкі набываюцца неабходныя ахоўныя матэрыялы (камбінезоны, маскі, рэспіратары) і накіроўваюцца ў медыцынскія ўстановы. Ужо сабрана і асвоена 56000 беларускіх рублёў.
Праводзіцца праца па прадастаўленні інфармацыі аб дзейнасці ўсяго Карытас Беларусі як ўнутры краіны, так і за яе межамі. Усё гэта пашырае магчымасці атрымання фінансавай і матэрыяльнай падтрымкі ў барацьбе з наступствамі каронавіруса. Супрацоўнікі актыўна вядуць перамовы з нашымі заходнімі партнёрамі аб магчымасці атрымання дадатковай дапамогі ў барацьбе з наступствамі пасля завяршэння пандэміі.
– Што можна пажадаць людзям, якія сутыкнуліся з гэтай бядой, а таксама родным тых, хто захварэў?
– Перш за ўсё - не губляць надзею і веру на выздараўленне, бо Гасподзь не пакінуў нікога, хто б да яго звяртаўся. Важна разумець не толькі маштаб пандэміі і складанасць самой хваробы. Але і тое, што пры выкананні прадпісанняў і самых простых правілаў гігіены рызыка захварэць скарачаецца ў шмат разоў. Як святар, я малюся аб хуткім завяршэнні пандэміі, за тых, хто хварэе, і медыцынскі персанал. Нам усім трэба даверыцца Богу і сваёй разважлівасці.
– Якая плануецца дапамога пасля пандэміі (вывад людзей з дэпрэсіі і стану панікі, матэрыяльная, маральная дапамога ...)?
– Мы ўжо думаем пра тыя наступствы, якія будуць пасля заканчэння пандэміі. І гэта, перш за ўсё, пытанні эканамічнага характару. Нам, як часткі грамадства, важна быць упэўненымі ў заўтрашнім дні. Гэта магчыма, калі мы будзем разам вырашаць пытанні паўсядзённага жыцця людзей, якія трапілі ў цяжкую сітуацыю пасля пандэміі. Гэтым ужо займаюцца шмат людзей і ўстаноў. Мы - не выключэнне. У нас праекты нясуць адукацыйны характар і накіраваны на дапамогу ў стварэнні неабходных умоў у сваім жыцці або сям'і для паляпшэння матэрыяльнага дабрабыту. Нашы намаганні - гэта намаганні не проста Карытас, а самой царквы, дзе кожны можа далучыцца сваімі ўменнямі да дапамогі духоўнай, сілай малітваў. Усё мае сёння важнае значэнне. Нават усмешка дабрыні нясе каласальную падтрымку для чалавека ў роспачы.
