BE

У каталіцкіх парафіях Беларусі сабралі ахвяраванні для пацярпелых ад вайны на Украіне

24 красавіка ва ўсіх каталіцкіх парафіях Еўропы прайшоў збор сродкаў для ахвяр канфлікту ў Украіне. Падчас нядзельных святых Імшаў вернікі складвалі ахвяраванні, якія, па рашэнні Папы Рымскага Францыска, накіруюць пацярпелым ад вайны на Данбасе.

- Мая думка накіроўваецца да ўсіх людзей, якія маюць смагу прымірэння і супакою. Тут у Еўропе думаю, у прыватнасці, аб драме тых, якія пакутуюць ад наступстваў гвалту ў Украіне: пра людзей, што засталіся на землях спустошаных ў выніку ваенных дзеянняў, якія ўжо прычынілі некалькі тысяч смерцяў і тых - больш за мільён - што былі вымушаныя пакінуць гэтыя зямлі з-за цяжкай сітуацыі, якая ў далейшым працягваецца. Яна тычыцца, перш за ўсё, пажылых людзей і дзяцей. Акрамя таго, што суправаджаю іх сваёю малітваю і думкай, я вырашыў аказаць ім гуманітарную дапамогу. З гэтай мэтай, ва ўсіх каталіцкіх касцёлах  Еўропы будзе праходзіць спецыяльны збор сродкаў.

Падрабязней...

Папа: бедныя – для ўзрастання Касцёла ў любові

21 красавіка 2016 г. папа Францішак сустрэўся з удзельнікамі Нацыянальнага кангрэсу італьянскіх дыяцэзіяльных аддзяленняў “Caritas”. У сваёй доўгай прамове, Пантыфік даў каштоўныя парады супрацоўнікам гэтай дабрачыннай каталіцкай арганізацыі.

Святы Айцец нагадаў аб важнасці “адукацыйнай місіі”, якая заключаецца ў тым, каб дапамагаць бедным узрастаць у годнасці, хрысціянскім супольнасцям – ісці шляхам Хрыста, а грамадзянскай супольнасці – сумленна прымаць уласныя абавязкі.

“Caritas” паклікана зрабіць так, каб дабрачыннае служэнне стала абавязкам кожнага, “гэта значыць, каб ўся хрысціянская супольнасць стала суб’ектам міласэрнасці”. Трэба “быць стымулам і душой, каб уся супольнасць узрастала ў міласэрнасці і была здольнай знаходзіць новыя шляхі набліжэння да бедных, разумення і рэагававання на сітуацыі, якія прыгнятаюць мільёны братоў – у Італіі, у Еўропе, у свеце”, сказаў Папа.

Падрабязней...