Арганізацыя “Карытас” існуе дзякуючы ахвяраванням і адкрытасці людзей з ўсяго свету. Мы вельмі ўдзячныя тым, хто дапамае нам матэрыяльна, і духоўна адгукаецца на заклік чыніць дабро і служыць патрабуючым. Нашы партнёры- гэта арганізацыі з ўсяго свету і "Карытас" іншых еўрапейскіх краін (Аўстрыя, Польшча, Італія, Чэхія, Літва і іншыя).
Паслуга любові мае важнае значэнне ў місіі Касцёла і з’яўляецца выразам яго сутнасці. Менавіта таму Касцёл так актыўна развівае сацыяльнае вучэнне, заклікае да спраў міласэрнасці і актыўнай пазіцыі ў гэтым пытанні.
Арганізацыя “Карытас” па ўсім свеце робіць асаблівы акцэнт на гэтую сацыяльную групу. У Беларусі таксама існуе вельмі шмат ініцыятыў: гэта і праект “Кухня на колах” – дастаўка абедаў дадому бедным, пажылым і хворым людзям, і праект “Кухня для бяздомных”, дзе штодзенна гарачае харчаванне атрымліваюць 200 чалавек і сацыяльная аптэка, дзе штогод атрымлівае дапамогу вялікая колькасць людзей.
Адзін з праектаў, што злучае амаль усе “Карытас” Беларусі – гэта стварэнне на базе сацыяльных цэнтраў і цэнтраў сацыяльнага абслугоўвання насельніцтва дадатковых магчымасцяў для дзейнасці і для дапамогі людзям, якія знаходзяцца ў цяжкай жыццёвай сітуацыі.
Таварыства Карытас – гэта найбуйнейшая дабрачынная арганізацыя ў свеце, якая працуе дзеля скарачэння беднасці і несправядлівасці ва ўсім свеце. Таксама ў нашай краіне мы спяшаемся да тых, хто апынуўся ў цяжкай матэрыяльнай сітуацыі і каму неабходная дапамога – бедныя, хворыя, людзі з абмежаванасцямі, шматдзетныя сем’і, сіроты.
Каталіцкі Касцёл заўсёды побач з тымі, хто знаходзіцца ў патрэбе і ў складаных жыццёвых абставінах.
«Кожны чалавек, незалежна ад таго, адкуль ён родам, для нас ён як сястра ці брат. Да ўсіх людзей, незалежна ад іх паходжання або прычын падарожжа, трэба адносіцца з павагай", - мяркуе дырэктар Карытас Беларусь ксёндз канонік Андрэй Аніскевіч.
Рэлігійная місія «Дабрачыннае каталіцкае таварыства Карытас» Канферэнцыі Каталіцкіх Біскупаў у Беларусі
Пасведчанне аб джяржаўнай рэгістрацыі №088 выдана Камітэтам па справах рэлігій і нацыянальнасцей пры Савеце Міністраў Рэспублікі Беларусь 02.09.1999 г.
УНП 101124634
220004, г. Мінск, пл. Свабоды, 9
Адрас для карэспандэнцыі: 220131 г. Мінск, вул. Абрыкосавая, 8
Час працы: 9.00 - 17.00
Тэл. +375 (44) 791-78-87
e-mail: caritasby@gmail.com
