У межах праекта «Выхаванне без гвалту» у парафіі Святога Антонія ў г. Слуцку адбылася творчая майстэрня «Насустрач Божаму нараджэнню».
Пасля нядзельнай Імшы дзеці сабраліся, каб паразмаўляць пра надыходзячае свята і дэкараваць фанерныя фігуркі анёлкаў. У ходзе заняткаў удзельнікі расказвалі аб тым, што яны любяць, а што – не. Казалі, што іх радуе, а што засмучае, аб чым яны мараць. Працэс дэкарыравання фанерных фігурак праходзіў вельмі весела і лёгка. У выніку фігуркі анёлкаў атрымаліся разнастайнымі і вельмі прыгожымі.
Для дарослых стала нечаканасцю, што дзеці выкарыстоўвалі розныя фарбы і ні ў каго не было анёлка белага колеру. Але дзеці ўяўляюць анёлаў такімі.
Наступная Творчая майстэрня пройдзе ў парафіі Хрыста Валадара Сусвету ў Бягомлі.