“Зусім неабавязкова рабіць вялікія рэчы. Можна рабіць і маленькія, але з вялікай любоўю”.
Маці Тэрэза

Дабрачыннае каталіцкае таварыства «Карытас» Мінска арганізуе акцыю, у межах якой распаўсюджвае паштоўкі ручнога вырабу. Аўтары паштовак – людзі з абмежаванымі магчымасцямі. Нягледзячы на гэта, яны змаглі знайсці выйсце з сітуацыі і ператварылі сваё жыццё ў мастацтва.

«Карытас» заклікае падтрымаць іх у гэтым. Велікодныя паштоўкі, вырабленыя імі, дапамогуць зрабіць віншаванні больш яркімі. Набываючы гэтыя паштоўкі, можна дапамагчы тым, хто асабліва мае патрэбу ў дапамозе. 

Па пытаннях набыцця паштовак можна звяртацца ў свае парафіі, а таксама па тэлефонах:

+375 29 767 73 75 Яна
+375 29 551 06 19 кс. Аляксандр

Па матэрыялах catholic.by