Праз некалькі дзён ў Беларусі будзе адзначацца Дзень Маці, калі зноў і зноў узносяцца словы падзякі для тых, праз каго мы прыйшлі на гэты свет, за іх чулае, любячае сэрца.  Шмат прыгожых слоў і віншаванняў ужо сказана і будзе сказана ў гэтыя дні за тую любоў і штодзенны клопат, які часам, застаецца незаўважаным  і за які не заўсёды гаворым дзякуй. 

14 кастрычніка дабрачыннае  каталіцкае таварыства  “Карытас”  разам з дабрачынным гуманітарным мясцовым  фондам “Гармонія гукаў”  арганізоўвае свята для мам і дзяцей з праблемамі слыху.

Арганізатары свята не проста так выбралі катэгорыю мам, якія выхоўваюць дзяцей з праблемамі слыху.
 Такім дзецям патрэбны спецыльны медыцынскі нагляд,  спецыяльныя апараты для слыху,  якія нямала каштуюць і сказваюцца на сямейным бюджэце.  Таксама гэтыя  дзеці патрабуюць больш ўвагі мам і, часам, іх праца і  высілкі  па адаптацыі дзіцяці ў грамадства зусім незаўважныя.
 Арганізатары мерапрыемства імкнуцца  напоўніць святочнымі пазітыўнымі эмоцыямі штодзённасць гэтых мам, падтрымаць іх і запэўніць, што яны не адны ў сваіх праблемах.

Мы запрашаем ўсіх жадаючых раздзяліць свята для дзетак гэтай катэгорыі і іх мам. Хай сэрцы будуць напоўнены радасцю і  мамы, адчуўшы цяпло і ўвагу ў гэты прыгожы дзень, з новымі сіламі і аптымізмам даюць цяпло і падтрымку сваім дзеткам.

Просім аб жаданні ўдзельнічаць ў мерапрыемстве паведаміць загаддзя (+375 44 791 78 87)