Дзякуй за цікавую інфармацыю і за гасцінную атмасферу!

• Усе атрыманыя веды маюць прыкладны характар.
• Інфармацыя вельмі карысная.
• Ужо сёння запішуся да доктара анлайн.
• Атрыманыя веды ўжо можна і трэба прымяняць на практыцы, - такую зваротную сувязь далі ўдзельнікі трэнігавай групы па навучанні камп'ютарнай граматнасці пажылых людзей.

Мерапрыемства прайшло 29 кастрычніка 2021 года ў парафіі Нараджэння Маці Божай у Гомелі.

На пачатку трэнінга ўсе разам ўспомнілі і паўтарылі правілы бяспечнага захоўвання падчас пандэміі Covid-19 і атрымалі маскі і дэзінфікуючыя спрэі ў якасці сродкаў індывідуальнай абароны.

Спадзяемся, што атрыманая падчас трэнінгу інфармацыя паспрыяе мінімізацыі кантактаў у месцах масавага збору людзей і будзе карысным дапаможнікам ў вырашэнні бытавых пытанняў для людзей "срэбнага" ўзросту.

У Гомелі таксама чакаюць працягу навучання камунікацыі праз Сетку Інтэрнэт.

Сардэчна дзякуем дырэктару ДКМ "Карытас-Міласэрнасць" Гомель ксяндзу Юрыю Варанко за цудоўную арганізацыю і гасціннасць, а рэферэнту па праектах Анастасіі Пятушковай за дапамогу падчас правядзення мерапрыемства.