Падрабязнасці:
Катэгорыя: «YES! Скарачэнне беднасці шляхам працаўладкавання сацыяльна неабароненай моладзі ў малых рэгіёнах Беларусі»
| Апублікавана 14 Кастрычнік 2020
| Абноўлена 14 Кастрычнік 2020
Першы ў Беларусі Рэгіянальны цэнтр сацыяльна-арыентаванага мясцовага прадпрымальніцтва адкрываецца ў г. Шчучын Гродзенскай вобласці ў рамках рэалізацыі Праекта YES!Міжнародны гуманітарны дабрачынны праект YES! (Youth Empowerment and Strengthening) рэалізуецца Нацыянальным Карытас Беларусь па ўсёй рэспубліцы пры падтрымцы Renovabis (Германія) і Caritas Linz (Аўстрыя) у мэтах павышэння ўзроўню жыцця маладых людзей Беларусі ва ўзросце 18-35 гадоў. Ён закліканы дапамагчы моладзі ўмацаваць кар'ерны рост, знайсці адпаведную працу або пачаць уласны бізнэс.
Дзякуючы яму маладыя людзі змогуць бясплатна атрымліваць кансультацыі па прававых і эканамічных пытаннях, уключаючы пытанні, якія тычацца рэгістрацыі сваёй справы, падаткаабкладання, прасоўвання ствараемых імі тавараў і паслуг, а таксама шмат карыснага.
У мерапрыемствах, якія пройдуць 16-20 кастрычніка 2020 г., прымуць удзел як прадстаўнікі органаў абласнога і раённага дзяржаўнага кіравання, так і сапраўдныя і будучыя партнёры Праекта YES!: ААТ «Белаграпрамбанк», Сетка Глабальнага Дагавора ААН у Беларусі, Інстытут сацыялогіі НАН Беларусі, Праграма падтрымкі Беларусі Федэральнага ўрада Германіі, асацыяцыя «Робататэхніка і штучны інтэлект» і інш.
Мяркуецца, што сумесная праца з Рэспубліканскай канфедэрацыяй прадпрымальніцтва, якая прадстаўлена ў Гродзенскай вобласці Ігарам Чарняковым, дасць магчымасць значна павысіць эфектыўнасць мерапрыемстваў, якія будуць праводзіцца цэнтрам, а таксама наладзіць партнёрскія сувязі з прадстаўнікамі бізнесу.
Акрамя атрымання дапамогі пры арганізацыі традыцыйных відаў прадпрымальніцкай дзейнасці маладыя людзі змогуць таксама азнаёміцца з самымі сучаснымі і перспектыўнымі напрамкамі бізнесу, такімі як робататэхніка і штучны інтэлект.
Узначаліць цэнтр, які адкрываецца Дабрачынным каталіцкім таварыствам Карытас, педагог са шматгадовым стажам Наталля Вішнеўская, якая з'яўляецца каардынатарам Праекта YES! на тэрыторыі Гродзенскай дыяцэзіі Рымска-Каталіцкага Касцёла.
У бліжэйшы час плануецца адкрыць яшчэ 3 падобных цэнтра ў іншых рэгіёнах Беларусі.
