Навіны

"Без святароў не было бы і "Карытас""- віншаванні на Вялікі Чацвер

“Калі б у нас не было сакрамэнту святарства, то ў нас не было б і Пана Езуса. Хто змясціў Яго туды, у гэтую скінію? Святар. Хто прыняў душу, калі яна толькі ўвайшла ў гэты свет? Святар. Хто сілкуе гэтую душу, каб даць ёй сіл прайсці свой жыццёвы шлях? Святар. Хто падрыхтуе душу да сустрэчы з Богам, здзейсніўшы яе абмыванне крывёю Хрыста ў апошні раз? Святар. І калі гэтая душа зграшыла, хто адродзіць яе, хто верне ёй мір і спакой? І зноў святар.”

Св. Ян Марыя Віанэй

Падрабязней...

Сусветны дзень людзей з сіндромам Дауна

21 сакавіка адзначаецца Міжнародны дзень чалавека з сіндромам Дауна (World Down Syndrome Day). Гэтая дата ўвайшла ў каляндар у 2005 годзе. Ініцыятыва належала ўдзельнікам VI сімпозіума, прысвечанага гэтай тэме.

Генеральная Асамблея пастанавіла што гэты Дзень будзе адзначацца 21 сакавіка кожны год пачынаючы з 2012 года і прапанавала ўсім дзяржавам-сябрам, адпаведным арганізацыям сістэмы ААН і іншым міжнародным арганізацыям належным чынам адзначаць Сусветны дзень людзей з сіндромам Дауна, з тым каб павышаць узровень інфармаванасці грамадскасці аб дадзеным захворванні.

Падрабязней...

У цэнтры “Карытас” Мінска-Магілёўскай архідыяцэзіі прайшоў семінар для валанцёраў

З 11 па 13 сакавіка i з 13 па 15 сакавіка ў мінскім цэнтры «Карытас» (в. Ляскоўка, Бараўляны) прайшоў семінар для дзвюх груп валанцёраў, якія былі запрошаны з розных парафій, а таксама парафіяльных філіялаў «Карытас» з усёй Беларусі. 

Мэтай семінара з’яўляецца навучанне ўдзельнікаў асновам валанцёрства на досведзе працы Мальтыйскай службы сацыяльнай дапамогі з Германіі.

Вялікі акцэнт падчас заняткаў робіцца менавіта на практычную частку: валанцёры вучацца аказваць першую медыцынскую дапамогу, даглядаць за ляжачымі хворымі, практыкуюцца ў розных формах творчых заняткаў з дзецьмі і проста добра праводзяць час разам.

Падрабязней...

Хочаш дапамагчы дзецям? Зрабі свой чацвер добрым!

У горадзе Мінску ў трох крамах сеткі «Гіппа» ёсць магчымасць прыняць удзел у дабрачыннай акцыі Фонда Прападобнай Еўфрасiннi Полацкай«Добры чацвер». Мэтай гэтай акцыі, як дзеліцца яе каардынатар Наталля Свiдуновіч, з’яўляецца «збор ахвяраванняў — тавараў — для дзяцей і дзяцей-інвалідаў дамоў-інтэрнатаў Мінскай вобласці».

Сродкі гігіены і наборы для дзіцячай творчасці — гэта тое, што можна набыць у краме і адразу аддаць у спецыяльны кошык, што знаходзіцца пры выйсці з крамы і каля якога можна ўбачыць валанцёраў, якія раздаюць усім, хто ўваходзіць, інфармацыйныя флаеры. Час правядзення акцыі —  з 18.00  да 21.00.

Падрабязней...

Валанцёры «Карытас» і «Віцебскія дзяўчаты» наведалі састарэлых і інвалідаў у Віцебскім доме-інтэрнаце

4 сакавіка валанцёры «Карытас» Віцебскай дыяцэзіі сумесна з музычным ансамблем «Віцебскія дзяўчаты» наведалі Віцебскі дом-інтэрнат для састарэлых і інвалідаў.

Валанцёры «Карытас» прыехалі ў госці з невялікімі падарункамі. Маладыя людзі дарылі свае ўсмешкі і жывыя адносіны, якіх часам так не хапае жыхарам гэтай установы.

Падрабязней...

1 сакавіка адзначаецца Дзень "Нуль дыскрымінацыі"

1 сакавіка - дзень «Нуль дыскрымінацыі». У гэты дзень мы святкуем індывідуальнасць і непаўторнасць кожнага.

Дзень «Нуль дыскрымінацыі» - гэта магчымасць аб'яднацца супраць дыскрымінацыі і адзначыць права кожнага жыць з годнасцю паўнавартасным і прадуктыўным жыццём. Пол, нацыянальнасць, узрост, асаблівыя патрэбы, паходжанне, рэлігія, мова, колер скуры або любая іншая прыкмета не павінна быць прычынай для дыскрымінацыі.

Сімвалам нулявой дыскрымінацыі з'яўляецца малюнак матыля як знака пераўтварэнняў.

Падрабязней...

Вернікі парафіі ў Нарачы запрашаюцца да ўдзелу ў дабрачыннай акцыі «Карытас»

У Год Божай Міласэрнасці Дабрачыннае каталіцкае Таварыства “Карытас” праводзіць велікапосную акцыю “Святло Міласэрнасці”, якая мае на мэце збор сродкаў для тых, хто церпіць голад і нястачу.

Для ўдзелу ў гэтай акцыі нарачанцам дастаткова ў касцёльным кіёску набыць свечку з сімволікай Юбілейнага Года міласэрнасці.

У перыяд Вялікага посту супольны ўдзел у гэтай акцыі- цудоўнае  адлюстраванне пяшчотнага дотыку Бога, якую Ён мае да кожнага з нас.

Падрабязней...

Велікодны кірмаш да Дня "Карытас" прайшоў у Гродзенскай дыяцэзіі

28 лютага ў Касцёле Найсвяцейшага Адкупіцеля на Дзевятоўцы праходзіў велікодны кірмаш “Карытас 2016”. Падобнага роду кірмашы ў ІІІ Нядзелю Вялікага Посту (Дзень Карытас) праводзяцца штогод, і валанцёры гродзенскага "Карытас" з задавальненнем прымаюць у іх удзел.

Да кірмашу валанцёры падрыхтавалі разнастайныя hand-made вырабы: велікодныя паштоўкі, традыцыйныя свечкі “Карытас”, самаробныя цацкі, а таксама мноства варыянтаў хатняй выпечкі. І што тычыцца выпечкі, у вернікаў яна карысталася вялікім попытам, бо валанцёры ўсю ноч прастаялі ля пліты - ўклалі ўсю душу, каб вырабы ўсім спадабаліся.

Падрабязней...

28 лютага адзначаецца Дзень "Карытас"

У трэцюю нядзелю Вялікага посту традыцыйна ў Каталіцкім Касцёле ў Беларусі адзначаецца Дзень «Карытас». У гэты дзень ва ўсіх святынях нашай краіны вернікі складаюць дабравольныя ахвяраванні на ўтрыманне дабрачыннага каталіцкага таварыства «Карытас» у Беларусі і моляцца за тых, хто ўтварае гэтую арганізацыю і дапамагае ёй.

Сёння шмат людзей, якія маюць патрэбу ў падтрымцы, часам кавалку хлеба, добрым слове або якіхсьці грошах. Яны не ў стане забяспечыць сабе штодзённае існаванне і аддадзены на волю іншых. Дабрачыннае таварыства «Карытас» у нашай краіне рэалізуе разнастайныя праекты, мэта якіх – аказанне дапамогі менавіта такім людзям, якія з розных прычын апынуліся на ўзбочыне жыцця: адкінутыя, нікому не патрэбныя.

Падрабязней...

Пастырскае пасланне Канферэнцыі Каталіцкіх Біскупаў у Беларусі на ІІІ нядзелю Вялікага посту («Дзень Caritas»)

«Шчаслівыя міласэрныя,
бо яны міласэрнасць спазнаюць» (Мц 5, 7)


Дарагія браты і сёстры,
працягваючы руку аслабленаму чалавеку, усведамляеш важнасць пачуцця сапраўднай любові ў сваім сэрцы. Ніколі не ведаеш, што можа здарыцца з табой у жыцці, і таму нельга атрымаць гарантыю, што ніколі не апынешся ў сітуацыі жабрака. Прычынай гэтага могуць стаць розныя абставіны: страта працы, жылля, здароўя… Разам з тым наступствы нашых учынкаў дзейнічаюць падобна бумерангу. Так злом вяртаецца да нас здзейснены і не выпраўлены намі грэх. І вялікім дарам ласкі і ўзнагароды знаходзіць нас учыненае велікадушным сэрцам дабро.

Гэтая велікадушнасць чэрпае сваю моц з дару міласэрнасці, якая дазваляе нам мець адкрытыя вочы і далоні на патрэбы іншага чалавека, але галоўным чынам становіцца шляхам, які вядзе нас да паяднання з Богам. Ад кожнага з нас залежыць, дарагія браты і сёстры, наколькі мы дазволім, каб гэты дар у нас дзейнічаў, рэалізуючы ў нашым жыцці словы Хрыста: «Будзьце міласэрнымі, як і Айцец ваш міласэрны» (Лк 6, 36).

Падрабязней...

Хачу дапамагчы

Хачу стаць валанцёрам!

Прашу дапамагчы