Рэлігійная місія "Дабрачыннае каталіцкае таварыства Карытас" Пінскай дыяцэзіі

Дырэктар - ксёндз Павел Халяўкін

225030 Брэсцкая вобл., Брэсцкі р-н,
в. Чарнаўчыцы,
вул. Брэсцкая, 33
Тэл: +375 (16) 294 57 64
e-mail: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.

Карытас Пінскай дыяцэзіі быў заснаваны ў 1993 годзе пры парафіі касцёла Перамянення Пана  (вёска Новая Мыш Баранавіцкага р-на). Па дэкрэце Кардынала Казіміра Сьвёнтка  ксёндз Валянцін Новак быў прызначаны дырэктарам каталіцкай дабрачыннай арганізацыі «Карытас» Брэсцка - Гомельскага аддзялення.

У першыя гады сваёй дзейнасці дабрачыннае каталіцкае таварыства "Карытас" займалася размеркаваннем бясплатнай гуманітарнай дапамогі, якая паступала з Польшчы, Аўстрыі і Германіі. У гэтыя ж гады стала праводзіцца праграма аздараўлення і адпачынку дзяцей за мяжой і на тэрыторыі РБ.

12 жніўня 1999 года Брэсцка - Гомельскае аддзяленне каталіцкай дабрачыннай арганізацыі «Карытас» было пераўтворана ў Дабрачыннае каталіцкае таварыства «Карытас» Пінскай дыяцэзіі.

З 14 кастрычніка 2004 года  «Карытас» стаў называцца рэлігійнай місяй «Дабрачыннае каталіцкае таварыства Карытас» Пінскай дыяцэзіі Рымска - каталіцкага Касцёла ў Рэспубліцы Беларусь.

На сённяшні дзень дырэктарам "Карытас" Пінскай дыяцэзіі з'яўляецца ксёндз Павел Халяўкін, у арганізацыі працуе 4 чалавекі.

У працы па праектах і дабрачынным праграмах дапамагаюць валанцёры, у залежнасці ад неабходнасці ад 2 да 20 чалавек.

На працягу 20 гадоў "Карытас" выконвае хрысціянскую місію, ажыццяўляючы духоўную, дабрачынную і гуманітарную дапамогу сацыяльна неабароненым катэгорыям насельніцтва Брэсцкай і Гомельскай вобласцей.

"Карытас" Пінскай дыяцэзіі працуе па наступных напрамках:

  • Дапамога дзецям, якія засталіся на апецы, дзецям - інвалідам, дзецям - сіротам, а таксама дзецям са шматдзетных сямей і з няпоўных сямей;
  • Аказанне гуманітарнай дапамогі адзінокім і састарэлым людзям, шматдзетным і няпоўным сем'ям, якія трапілі ў цяжкія жыццёвыя сітуацыі;
  • Аказанне дапамогі таварыствам інвалідаў, маладым інвалідам, інтэрнатам;
  • Духоўная праца з дзецьмі, моладдзю і дарослымі людзьмі;

Праекты і праграмы:

  • «Дабрачынная сталовая»;
  • «Аграрны праект»;
  • «Дапамога першакласніку»;
  • «Сацыяльныя цэнтры "Карытас";
  • Праграма аздараўлення і адпачынку дзяцей за мяжой;
  • «Калядная акцыя»
  • «Пункт харчавання для бяздомных»;
  • «Дапамога пацярпелым жанчынам»;
  • «Дапамога жанчынам, якія знаходзяцца ў турме»;

Разавыя акцыі:

  • Дапамога дзецям - інвалідам,
  • Аказанне дапамогі састарэлым і адзінокім людзям, якія пражываюць у дамах-інтэрнатах
  • Дапамога бальніцам
  • Дапамога школам

Дапамагаючы бедным, хворым, абяздоленым людзям, дабрачыннае каталіцкае таварыства "Карытас" падтрымлівае іх як матэрыяльна, так і духоўна.

Хачу дапамагчы

Хачу стаць валанцёрам!

Прашу дапамагчы