Навіны

Дабрачынны калядны кірмаш “Карытас”

18 снежня на тэрыторыі касцёла свв. Сымона і Алены прайшоў дабрачынны калядны кірмаш, арганізаваны “Карытас”.

Кожны выраб, які можна было набыць падчас акцыі, быў зроблены рукамі падапечных сацыяльных майстэрнь  разам з валанцёрамі.

«Купляючы хаця б адзін выраб, вы дапамагаеце гэтым людзям працягваць тварыць» - запрашалі валанцёры да ўдзелу ў акцыі.

Падрабязней...

Калядная сустрэча супрацоўнікаў і валанцёраў "Карытас"

16 снежня супрацоўнікі і валанцёры дабрачыннай каталіцкай місіі «Карытас» з усіх дыяцэзій Беларусі сабраліся ў цэнтры св. Лукі на каляднай сустрэчы з Мітрапалітам Тадэвушам Кандрусевічам.   
Сустрэчы папярэднічала святая Імша. У гаміліі арцыбіскуп засяродзіў увагу на тым, што менавіта праз «Карытас» рэалізуецца думка пра тое, што ў кожным чалавеку мы сустракаем Хрыста. «Зусім нядаўна завяршыўся Год Міласэрнасці, але міласэрнасць Езуса на гэтым не завяршылася. Евангелле кажа, што прыйдзе Збаўца і прынясе супакой. Але гэты супакой прыйдзе толькі тады, калі будзе супакой у сэрцы».

Падрабязней...

18 снежня на тэрыторыі Касцёла свв. Сымона і Алены пройдзе дабрачынны калядны кірмаш "Карытас"

Кірмаш будзе праходзіць у нядзелю 18 снежня, з 9 00 да 15 00 гадзіны, на тэрыторыі Чырвонага Касцёла. 

Падчас акцыі  "Карытас" прадставіць вырабы і калядныя падарункі, зробленыя рукамі валанцёраў разам з маладымі людзьмі з абмежаванымі магчымасцямі. Будзе магчымасць набыць каляндар “Карытас”.Таксама кожны жадаючы зможа падрабязней даведацца пра дзейнасць, якая вядзецца ў арганізацыі.

"Калядная акцыя" праводзіцца штогод і як паказвае практыка менавіта праз падобныя акцыі можна прыцягнуць увагу грамадскасці да праблем людзей жывучых у нястачы. Далучаючыся да гэтай акцыі- вы падтрымліваеце дабрачынныя праекты “Карытас”. Хто ведае, каму наступнаму будзе патрэбна дапамога?

 

Прадстаўнікі «Карытас» Беларусь прынялі ўдзел у семінары па абароне правоў дзяцей

На працягу двух дзён, 6-7 снежня, супрацоўнікі дабрачыннага каталіцкага таварыства «Карытас», задзейнічаныя ў рэалізацыі праектаў, накіраваных на дапамогу дзецям, удзельнічалі ў семінары, арганізаваным ўкраінскай дабрачыннай арганізацыяй «Фонд Асперн».

Мадэратарам семінара была прадстаўніца «Карытас» Аўстрыі - Астрыд Вінклер. Сярод удзельнікаў трэнінгу былі таксама прадстаўнікі дабрачынных арганізацый «Карытас» Украіны і Малдовы.

Тэма семінара: "Рэалізацыя палітыкі па абароне дзяцей: ацэнка апошніх двух гадоў: пазітыўная практыка і праблемы».

Падрабязней...

"Карытас" Гродзенскай дыяцэзіі праводзіць штогадовую дабрачынную акцыю “Калядная свечка”

Сабраныя сродкі пойдуць на дапамогу сацыяльна неабароненым дзецям. Кожны, хто хоча дапамагчы дзецям, якія знаходзяцца ў патрэбе, мае такую магчымасць далучыцца да дабрачынных спраў “Карытас”.

Дабрачынная акцыя “Калядная свечка” праходзіць у Беларусі ўжо многія гады. З кожным годам да акцыі далучаецца ўсё больш вернікаў, а значыць, усё большай колькасці дзяцей удаецца дапамагчы.

Падрабязней...

Валанцёр «Карытас» Гродна распавяла, што для яе значыць валанцёрства і што яна атрымала наўзамен

У сусветны дзень валанцёра, які Генеральная Асамблея ААН прапанавала адзначаць 5 снежня, мы пагаварылі пра матывацыю да валанцёрскай дзейнасці.

На пытанне "ЧЫМ ДЛЯ МЯНЕ ЁСЦЬ ВАЛАНЦЁРСТВА "КАРЫТАС?" адказала  Марыя Янкевіч (Валанцёр “Карытас” Гродна):

Перш чым распавесці аб праектах «Карытас-Гродна», я распавяду невялікую гісторыю пра тое, як прыйшла ў «Карытас». Напэўна, у кожнага чалавека бывае перыяд у жыцці, калі ён зусім незадаволены сабой, сваім характарам, паводзінамі, перыяд, калі ўсё надакучыла, хочацца пераменаў, але гэтым пераменаў няма адкуль брацца. Такі адрэзак ў жыцці ў мяне быў у пачатку мінулай восені, я ўсведамляла, што стала з раздражненнем ставіцца да навакольных, любімы занятак перастаў здавацца цікавым, і нічога зрабіць з гэтым я не магла. Але адзін выпадак стаў штуршком да пераменаў, якія мне былі так патрэбныя.

Падрабязней...

1 снежня- сусветны дзень барацьбы супраць СНІДу

Гэты дзень служыць напамінам пра неабходнасць спыніць глабальнае распаўсюджванне эпідэміі ВІЧ і СНІДу. У першыню абвешчаны СААЗ ў 1988 годзе.Мэтай сусветнага дня барацьбы супраць СНІДу з'яўляецца павышэнне глабальнай дасведчанасці аб ВІЧ / СНІД і дэманстрацыя міжнароднай салідарнасці перад тварам пандэміі. 

Сімвалам барацьбы са СНІДам з'яўляецца чырвоная стужачка, ні адна акцыя ў гэтай галіне не абыходзіцца цяпер без яе. Гэтая стужачка як сімвал разумення СНІДу была задумана вясной 1991 года. Яе ідэя належыць мастаку Франку Муру. Ён жыў у правінцыйным гарадку штата Нью-Ёрк, дзе суседняя сям'я насіла жоўтыя стужкі, спадзеючыся на шчаслівае вяртанне сваёй дачкі-салдата з Персідскага заліва.

Падрабязней...

Дабрачыннае каталіцкае таварыства «Карытас» Гродзенскай дыяцэзіі арганізавала фотапраект «Асаблівая зімовая казка»

У рамках інтэграцыйнага праекта «Разам» 22-23 лістапада 2016 года ў Гродна прайшла дабрачынная фотасесія для дзяцей з асаблівасцямі развіцця і іх мам. Дзеці з інтэграцыйнага праекта "Разам" – гэта маленькія выхаванцы дашкольнай групы "Карытас" для дзяцей з асаблівасцямі развіцця ў ДУА "Цэнтр развіцця дзіцяці №30 г. Гродна". У фотапраекце прынялі ўдзел 7 сем'яў. Ідэя праекта ў тым, каб падтрымаць мам і іх дзяцей, падаўшы прыемную магчымасць папоўніць сямейны фотаальбом памятнымі здымкамі.

Падрабязней...

Папа: «Карытас» - не сацыяльнае агенцтва, а частка місіі Касцёла

Святы Айцец звярнуўся з адмысловым пасланнем да міжнароднага фонду Карытас, з прадстаўнікамі якога сустрэўся ў Ватыкане 17 лістапада. Касцёл «існуе для таго, каб несці Евангелле», падкрэслівае Папа, «але евангелізацыя патрабуе прыстасавання да розных сітуацыях, патрабуе ўлічваць асаблівасці сямейнага і сацыяльнага жыцця, а таксама міжнародную абстаноўку, з асаблівай увагай да міру, справядлівасці і развіцця». Папа яшчэ раз пацвердзіў пераважны выбар Касцёла на карысць бедных і заклікаў «Карытас» змагацца з сацыяльнай выключнасцю. «Карытас, - нагадаў Папа, - гэта не сацыяльнае агенцтва, але Касцёльная арганізацыя, частка місіі Касцёла».

Падрабязней...

Польская актрыса выставіла на аўкцыён сваю калекцыю Барбі, каб дапамагчы «Карытас»

Актрыса Патрыцыя Хурляк, вядомая ў Польшчы не толькі ролямі ў кіно і серыялах, але і аўтабіяграфічнай кнігай «Навяртанне вядзьмаркі», выставіла на аўкцыён сваю калекцыю лялек Барбі.

«Спадзяюся, ваша дапамога гэтай цудоўнай моладзі назаўжды застанецца ў сэрцах усіх, а памятка пра гэтую дапамогу — лялькі — будуць вас радаваць». 

Сваім крокам Патрыцыя хоча падтрымаць беластоцкае аддзяленне «Карытас» Польшчы, якое займаецца моладдзю з залежнасцямі.

Падрабязней...

Хачу дапамагчы

Хачу стаць валанцёрам!

Прашу дапамагчы