Навіны

Сусветны дзень дзіцяці

Сёння ўвесь свет святкуе дзень сваёй будучыні, якая, і ніхто з гэтым не паспрачаецца, у дзецях. ААН прапанавала адзначаць Сусветны дзень дзіцяці 20 лістапада ў сувязі з тым, што два галоўныя дакументы па абароне правоў нашай «будучыні» былі прыняты якраз у гэты дзень.
Спачатку гэта была «Дэкларацыя правоў дзіцяці» (1959 г.) і пазней «Канвенцыя правоў дзіцяці» (1989 г.).
На сёння Канвенцыю ратыфікавалі амаль усе краіны свету. Дзякуючы ёй ва ўсіх рэгіёнах свету ўносяцца змены ў заканадаўства, пераглядаецца палітыка і змяняецца стаўленне да дзяцей, якія зараз надзелены ўласнымі правамі, а таксама змяняюцца падыходы да дзейнасці, накіраванай на падтрыманне гэтых правоў.

Падрабязней...

Свята ў дзіцячай вёсцы: новая гульнявая пляцоўка, літургія, канцэрт

Традыцыйны Дзень Анёла-Ахоўніка адзначылі ў гомельскай Дзіцячай вёсцы (Гомельскім доме-інтэрнаце для дзяцей-інвалідаў і маладых інвалідаў з асаблівасцямі псіхафізічнага развіцця). У інтэрнаце адбылася праваслаўная Літургія, якую правёў іерэй Свята-Траецкага храма айцец Мікалай Кадацкі, пасля чаго дзеці выступілі з канцэртам, а каталіцкія сёстры бэнэдыктынкі, якія апякуюцца дзецьмі, разам з персаналам падрыхтавалі салодкі стол.

Характэрна, што да свята ў Дзіцячай вёсцы з'явілася вулічная гульнявая пляцоўка, на якую збірала ахвяраванні Дабрачынная каталіцкая місія «Карытас-Міласэрнасць». Дырэктар арганізацыі Валянціна Казлова і ўвесь персанал дзякуюць тым, хто ахвяраваў грошы для дзяцей-інвалідаў, бо яны такім чынам развіваюцца, і вулічная гульнявая пляцоўка была вельмі неабходная. ТАА «100 гульняў» прадаставіла пляцоўку са зніжкай і бясплатна ўсталявала яе. Падчас свята айцец Мікалай асвяціў гульнявую пляцоўку.

Падрабязней...

Папа Францішак- дзяліцца не лішнім, а патрэбным

Сапраўдная любоў здзейсняецца не з таго, што лішняе, але з самага неабходнага, адзначыў папа Францішак каментуючы евангельскую прыпавесць аб беднай удаве перад малітвай “Анёл Панскі” на плошчы св. Пятра 8 лістапада 2015 г.

“Евангельскі ўрывак на гэту нядзелю складаецца з двух частак: у адной з іх апісваецца якімі не павінны быць вучні Хрыста; а ў іншай прапануецца ўзорны ідэал хрысціяніна, – заўважыў Пантыфік. – Пачнем з першай: як не павінны рабіць. У першай частцы Езус ставіць у папрок кніжнікам, настаўнікам закону, тры хібы, якія дэманструюць іх стыль жыцця: пыху, прагнасць і крывадушнасць. Яны любяць “прывітанні на рынках, і першыя лавы ў сінагогах, і першыя месцы на гасцінах” (Мк 12,38-39).

Падрабязней...

Дзень "Карытас" прайшоў у гродзенскай парафіі

8 лістапада ў гродзенскай парафіі Беззаганнага Зачацця Найсвяцейшай Панны Марыі прайшоў ужо традыцыйны парафіяльны дзень "Карытас". Мэта гэтага мерапрыемства азнаёміць парафіян  з дзейнасцю “Карытас” ў Гродзенскай дыяцэзіі і ў Беларусі ў цэлым. Варта адзначыць, што вернікі з вялікім задавальненнем падтрымалі гэтую акцыю.

Падчас святой Імшы дырэктар “Карытас-Гродна” ксёндз Віталій Дабраловіч заклікаў усіх прысутных падтрымаць дабрачынныя праекты.

Ён адзначыў, што зрабіць гэта можна як фінансава, так і духоўна-  праз асабістую малітву. Другі від дапамогі кс. Віталій адзначыў перш за ўсё. У вернікаў парафіі была магчымасць сваімі вачыма ўбачыць дзейнасць “Карытас-Гродна” праз мабільную фота-выставу.

Падрабязней...

Інтэрв'ю з новым дырэктарам Нацыянальнага "Карытас"

У гэтыя дні “Карытас” Беларусі, асаблівым чынам Нацыянальны “Карытас”, вітае свайго новага дырэктара і духоўнага кіраўніка ксяндза Віталія Дабраловіча. Зараз мы будзем размаўляць з новым дырэктарам Рэлігійнай Місіі  “Дабрачыннае каталіцкае таварыства Карытас” Канферэнцыі Каталіцкіх Біскупаў у Беларусі. 

Кс. Віталій, супрацоўнікі Нацыянальнага “Карытас” вітаюць Вас на новай пасадзе, і як належыць, адразу хацелася б з вамі крыху бліжэй пазнаёміцца. Раскажыце, калі ласка, пра сябе.

Падрабязней...

Прызначаны новы дырэктар Нацыянальнага “Карытас”

На 60 Пленарным Пасяджэнні Канферэнцыі Каталіцкіх Біскупаў Беларусі было прынята рашэнне назначыць на пасаду дырэктара  Рэлігійнай Місіі “Дабрачыннае Каталіцкае Таварыства Карытас ” кс. Віталія Дабраловіча.

Нагадваем, што да гэтуль дырэктарам Нацыянальнага “Карытас” быў кс. Віктар Гайдукевіч SDB, які з 2009 году шчыра і аддана нёс сваю паслугу, выконваючы галоўную місію таварыства, а таксама заданне кожнага хрысціяніна  - ахвярна служыў бліжняму, несучы міласэрную Любоў тым, хто найбольш Яе патрабуе.

Падрабязней...

Фотавыстава «Жыццё». Абставінам і дыягназу насуперак

Фотавыстава «Жыццё» адкрылася ў Музеі сучаснага выяўленчага мастацтва ў Мінску. Героямі выставы сталі два унікальных чалавека - адзіная ў Беларусі мадэль з ДЦП Ангеліна Ўэльская і акцёр з сіндромам Даўна Андрэй Гарбаценка.

Ангеліна і Андрэй - таленавітыя, адкрытыя, шчырыя, і служаць прыкладам мужнасці і прыгажосці, упэўнены арганізатары выставы. Гісторыі Ангеліны і Андрэя - гэта яркія сведчанні таго, што людзі з адрознымі магчымасцямі не павінны быць выключаны з жыцця грамадства, што фізычныя абмежаванні не перашкаджаюць прафесійна развівацца, ставіць мэты і дасягаць іх.

«Мы хочам, каб і ў Беларусі ўбачылі, што можна быць паспяховым і шчаслівым, нягледзячы на абставіны і дыягназ. Галоўнае - падтрымка грамадства і сіла характару », - адзначаюць арганізатары выставы. 

Падрабязней...

З 1 лістапада павышаецца дапамога на дзяцей да трох гадоў

З 1 лістапада будуць перагледжаны памеры дапамог, якія выплачваюць бацькам, якія знаходзяцца ў водпуску па доглядзе дзіцяці ва ўзросце да трох гадоў. У залежнасці ад колькасці дзяцей у сям'і выплаты павялічацца на 90-115 тысяч рублёў.   
Нагадаем, дапамога мамам ў дэкрэтным пераглядаюцца раз у квартал і залежаць ад памеру сярэднямесячнай зарплаты за папярэдні квартал. Калі ж заробак за справаздачны перыяд знізілася, то дапамога на дзіця да трох гадоў не мяняецца.   

Падрабязней...

У беларускай беднасці дзіцячы твар

У Беларусі сям'я, якая нарадзіла трэцяе дзіця, мае высокія шанцы не толькі атрымаць ільготную кватэру, але і апынуцца за рысай беднасці. Бо беднасць сярод шматдзетных сем'яў сустракаецца нашмат часцей, чым у сярэднім па рэспубліцы.
У Беларусі 70% малазабяспечаных хатніх гаспадарак - гэта сем'і з дзецьмі, сведчаць дадзеныя афіцыйнай статыстыкі. Узровень беднасці высокі нават там, дзе ёсць толькі адно дзіця. Сярод сем'яў, якія выхоўваюць траіх і больш дзяцей, кожная пятая з'яўляецца малазабяспечанай.   

Падрабязней...

З пачатку году ў Беларусь прыбылі больш за 22 тысяч чалавек

З пачатку 2015 году прыток мігрантаў у Беларусь перавысіў 15 тысяч чалавек і ўзрос у параўнанні з тым жа перыядам мінулага году больш чым на 6 тысяч чалавек, гэта значыць амаль у два разы. Паводле афіцыйнай інфармацыі Нацыянальнага статыстычнага камітэта, за першыя дзевяць месяцаў гэтага году ў Беларусь прыбылі звыш 22 тыс. чалавек, а з'ехалі - крыху больш за 7 тыс. чалавек.

Галоўным чынам дзякуючы мігрантам з іншых краін колькасць насельніцтва Беларусі ўзрастае. У асноўным, прыязджаюць у краіну грамадзяне постсавецкіх краін. У большасці гэта жыхары Украіны, Расіі і Казахстана.

Падрабязней...

Хачу дапамагчы

Хачу стаць валанцёрам!

Прашу дапамагчы